Nəqliyyat vasitəsinin hərəkətdə olduğu bütün hallarda, təhlükəsizlik kəmərləri hər bir kəs tərəfindən taxılmalıdır
Sürücülər müvafiq qaydada qiymətləndirilməli, sürücülük vəsiqəsinə malik olmalı, təlim görməli, nəqliyyat vasitəsini idarə etmə ilə bağlı bilik və bacarıqlara sahib olmalıdırlar
Nəqliyyat vasitələri müvafiq nəzarət sistemi ilə təchiz olunmalıdır və bu sistemin verdiyi hərəkət məlumatları təhlil olunaraq, Sürücülərlə və rəhbərliklə bölüşülməlidir
Sürücülər nəqliyyat vasitəsini idarə etməyə tibbi cəhətdən yararlı olmalı, lazımi qaydada dincəlmiş, ayıq-sayıq olmalı. Yorğun, yaxud əzgin olduqda sükan arxasına keçməməlidirlər
Nəqliyyat vasitəsini idarə edərkən, Sürücülər mobil telefondan, yaxud digər ikitərəfli rabitə vasitəsindən istifadə etməməlidirlər
Sürücülər alkoqolun, və ya narkotik vasitələrin, o cümlədən sürmə qabiliyyətini zəiflədə biləcək hər hansı digər maddənin, yaxud dərman vasitəsinin təsiri altında olmamalıdırlar
Nəqliyyat vasitələri istismara tam uyğun və hazır olmalı, daim yararlı, təhlükəsiz vəziyyətdə saxlanılmalı və işlək təhlükəsizlik kəmərləri ilə təchiz olunmalıdır
Sərnişinlərin sayı nəqliyyat vasitəsi üçün istehsalçının müəyyən etdiyi normadan artıq olmamalıdır (sərnişin oturacaqlarının sayına əsasən)
Yüklər təhlükəsiz şəkildə yerləşdirilməli və istehsalçı tərəfindən müəyyən olunan normaları, o cümlədən qanuni maksimum həddi aşmamalıdır
Səfərin riskləri müəyyən olunaraq qiymətləndirilməli və risklərinin idarə olunması planı mövcud olmalıdır
Şirkətin idarəetmə sistemi quru nəqliyyatı təhlükəsizliyinin idarə olunması və səmərəli tətbiqi tələblərini ehtiva etməlidir
Nəqliyyat vasitəsini idarə edən zaman, istənilən yol-nəqliyyat şəraitində - Sürücülər daim gözlənilməyəni gözləməlidirlər